على الشاطئ غفى الطفل ... 

احتضن الرمل و نام... 

نم في هدوء ... 

فبعدك عمّ الظلام ...

و جفّت من أعيننا الدموع ...

و لم يعد بعد نومك يجدي الكلام

نم ...

و اترك لنا جرحا مفتوحا

و اتركنا نرتشف الالام

نم في سلام

تونس اِلْكلْ أهالينا

(الكلام باللهجة التونسية)
****
مشينا ...

رسمنا الحاضر بخطاوينا

و نحتنا على خط السير

قصّة صنعناها بيدينا

تونس محتاجة لينا
تنادي فينا
تو بدينا
تونس نحطّوها فعنينا
نوينا الخير
يا ربْ بارك فاللّي نوينا
اجعلها خضراء و عَمَارْ
خلّي العيشة فيها بنينة
أمْ حنينة
نعطو ما نمّوش عليها
و هي على عطانا تجازينا
و نعيشوا فيها أحرار
وقت الشدّة ما تخلّينا
تونس اِلْكلْ أهالينا
منّا ... فينا
تحت سقفها اِتلمّينا
يزّينا

عاشق

(الكلام باللهجة التونسية)

****

عاشق و العشق مخبّيه

مبلي بيه

متعّبني ما قـــدرت عليه

***

عاشــــق في حالة حب

ما نكذب

حاجة ما عرفتلها سبب

متعجب

عاشق ما عنديش سبب

قلبي ما نحكمشي فيــه

***

عاشق قلبي مجــروح

هو الروح

نتوجّع و قريب انبــوح

بكل وضوح

فعيوني حبّي مفضوح

القلب معبّى فايض بيه

سوف يبقى الحب ملهمنا و شافينا

سوف يبقى الحب غيثا يروينا و يحيينا

مشتاقــــك يمّة

(الكلام باللهجة التونسية)

*****

محتاج يمّة لوجـــــودك جنبي

مشتاقــــك يمّة و القلب معبّي

***

سهــــــران آيَمّة لياليّ طويلة

وحداني أنا ماعنـــــدي خليلة

لا أم لا خــــو نبكي و نشكيله

متعـــذّب يمّة و العــــالم ربّي

***

ضـــايع آيَمّة في دنيا صعيبة

ماهمش ناسي لًوجُوه غريبة

القلب يبكي فراقــك يا حبيبة

يخلّيك ليّ يا غرامي و حبّي

***

هايم آيَمّة في عــــــالم ثاني

تاعب محتاج عايش اِنعاني

لا حد عطف عليّ واســاني

دعواتــك يمّة تنوّرلي دربي

لا عذر للجاهل بمفردات عصره 

في عالم باتت فيه المعلومة 

تأتيه جاهزة للاستهلاك

و تقريبا مجانا

تحيّة لكل متابعي هاته المدوّنة ...

شكرا على اهتمامكم