المهم الإنســـــــــــــانية
(الكلام باللهجة التونسية)
********
مُوشْ مُهِمْ الدّيـــن أشْنُوّه
موش مهم النِّسْبــة أشنيّه
موش مهم اللـــون أشنـوّه
موش مهم بــــلاد أشنيّـه
موش مهم الجنس أشنــوّه
موش مهم اللغة أشنيـــّـه
موش مهم الحزب اشنوه
موش مهم الفكــرة اشنيّه
المهم نبــــــــض و روح
ادم أصل البشريّــــــــــة
و حـــواء كانت هي الأمْ
ولدنا من نفس الجينـــات
نفس الورقة و القلــــــــم
و مبادئنـــــــــا هيّ هيّ
و يجري فينا نفس الدّم
وهوانا هو الحريّــــــــة
تهبْ على كلّ الأمـــــم
و اِنْعيشوا في أخويّـــــة
يزّينا حزن و ألـــــــــم
المهم الإنســـــــــــــانية
Aucun commentaire:
Enregistrer un commentaire